Kveldsvandring i Astruptunet: Utstillinga Naturens gåve

Opplev Astruptunet i skumringstimen på vandring mellom stiar og frukttre. På kveldsvandringa får du oppleve Nikolai og Engel Astrup sin unike heim og arbeidsplass ved Jølstravatnet. Her får du høyre historia om korleis dei forvandla ein bratt og ugjestmild husmannsplass til eit levande kunstverk i landskapet.

Omvisinga tek deg med gjennom tunet og hagen, med Nikolai Astrup si planteglede, kunstnarlege prosjekt og livet på staden, og Engel Astrup si viktige rolle som drivkraft i arbeidet med å ta vare på og utvikle staden etter mannen sin død.

Tunet og hagen har gjennomgått større endringar dei siste åra, med ei tilbakeføring til Nikolai og Engel si tid. Vandringa gir innblikk i den omfattande restaureringa tunet har vore gjennom.

Les meir på nettsida til Musea i Sogn og Fjordane Sti.