Forskingsmiljøet ved Haukeland styrker posisjonen sin i fronten av internasjonal protonforsking, når Trond Mohn forskningsstiftelse tildeler 27 millionar kroner til prosjektet ProtonSUMMIT. Prosjektet, som har eit totalbudsjett på nær 80 millionar kroner og går frå 2026 til 2030, set fart på utviklinga av framtidas kreftbehandling.
Arbeidet i prosjektet ProtonSUMMIT får base i det nye protonbygget til Haukeland universitetssjukehus, ved foten av Ulriken. Her skal forskarar kombinere kompetanse frå medisin, fysikk, biologi, bildediagnostikk og kunstig intelligens for å forstå korleis protonbehandling verkar på pasientar.
Prosjektet blir leia av medisinsk fysikar og forskar Camilla Stokkevåg ved Haukeland universitetssjukehus, og skal undersøkje korleis protonstråling påverkar celler og vev, kartleggje dei underliggjande mekanismane og identifisere enkelt- og samansette biomarkørar som kan gje ny innsikt i behandlingseffekten.
Trond Mohn forskningsstiftelse har gjennom mange år bidrege til å løfte forskingsmiljøa ved Haukeland, Universitetet i Bergen og Høgskulen på Vestlandet, og denne tildelinga gjev prosjektet langsiktig kraft til å byggje vidare på det sterke faglege fundamentet i Bergen. Med ProtonSUMMIT tek miljøet eit nytt og viktig steg i utviklinga av kunnskapen som skal til for å forme avansert kreftbehandling, både nasjonalt og internasjonalt.
– Denne tildelinga er ei viktig anerkjenning av den kompetansen og ambisjonen vi har i Helse Bergen. Ho gjev oss moglegheit til å utvikle behandlingar som kjem pasientane våre til gode, samstundes som ho styrkjer Bergen og Noreg som leiande innan moderne kreftbehandling, seier Oddbjørn Straume, direktør ved Kreftklinikken, Haukeland universitetssjukehus, til Helse Bergens nettsider.
Prosjektet har som mål å utvikle nye metodar som gjer det mogleg å utnytte teknologiens potensial på best mogleg måte, slik at fleire pasientar kan få behandling som er meir målretta og skånsam. Samstundes styrkar forskinga kunnskapen i fagmiljøet og legg grunnlaget for vidare utvikling av avansert kreftbehandling.
– Dagleg leiar i Trond Mohn forskningsstiftelse, Nicholas Nunn, fortel at stiftinga sitt engasjement for partikkelterapi som kreftbehandling starta allereie i 2014 med støtte til kompetansebygging, utstyrsinnkjøp, metodeutvikling og forsking som ei av stiftinga sine første og største tematiske satsingar. Det er difor ei stor glede å kunne bidra ytterlegare, med støtte til dette prosjektet, som ifølgje ekstern evaluering har stort potensial til å betre bruken av protonterapi til beste for pasientane.
Trond Mohn forskningsstiftelse er en av landets største forskningsfinansierende stiftelser. Stiftelsen bidrar på en rekke fagområder, med hovedvekt på medisinsk forskning. Det er Bergen (Haukeland universitetssykehus og UiB) og Tromsø (UiT) som er hovedmottakerne, men stiftelsen kan også tildele midler til andre aktører i Norge, som samarbeider med institusjoner i Bergen.
Hofagent Danckert D. Krohn Stiftelse ble stiftet i 1789 av Danckert D. Krohn og hans hustru Johanne Margrethe von der Ohe. Gaven omfattet, foruten 26 000 riksdaler, en tomt og en bygning i Kong Oscars gate i Bergen. Huset og midlene skulle brukes til en stiftelse med bosted for trengende eldre.
Aktiv mot kreft er en aktivitetsstiftelse Grete Waitz og Helle Aanesen stiftet sammen i 2007. Stiftelsen jobber for å få persontilpasset trening inn som del av kreftbehandlingen. For å oppnå denne visjonen har stiftelsen mellom annet etablert Pusterom, dvs. tilrettelagte treningssentre, på 24 sykehus i Norge. På verdens kreftdag, 4. februar, åpnet stiftelsen verdens første og største kompetansesenter for trening og kreft.